黃子華買基金

1. 求 黃子華的動態圖~~~~~~~~~~

去才華橫溢注冊！是子華的後援會網站！大家一起分享很多明記的信息，圖片，感想什麼的！

2. 絕代商驕中黃子華的衣服在哪買啊

據說那T恤要12999港元一件,已絕版.

3. 黃子華棟篤笑賣法拉利

黃子華說，我去買法拉利，那部法拉利三百萬，我對個店員說：我不夠錢。店員還真的敢問我：先生，你不夠多少錢？我說：我不夠三百萬。。。。。。。不知道你是不是問的是這個。給的條件太少了啊。

4. 黃子華有部戲講 經紀叫你買股的時候通常要持股。那段對白是怎樣的

《絕代商驕》
麥提爽原話是這樣的：
你聽個財經佬同你講，大手買入....佢真專正意思就系買少屬少；佢同你講買少少，即系叫你唔好賣；佢叫你唔好賣嘅時候，就即系叫你沽；當佢叫你沽嘅時候，真正意思就系，沽都無謂。。。

5. 黃子華說的喜歡的東西不買 還是人嗎

有錢就買，有錢就是人，沒錢誰把你當人

6. 當你沒錢的時候，看看黃子華如何去買法拉利，太經典了

這段是在2010年的棟篤笑 娛樂圈血肉史2 中講的 去法拉利店 一部車300多萬 老闆說先生你買法拉利啊 答曰 我錢不夠 老闆說你差多少 答曰 我差300萬😂 這個就好比說一個人不夠靚仔 其實就是說不靚仔的委婉說法

7. 求黃子華金句

1.責任何在?
如果你話我聽，因為我唔靚仔，所以唔可以做戲，你唔應該話我聽！
因為唔關我事，我唔應該負呢個責任，你應該同我父母講，系佢哋搞成我咁嘅。如果你要罰，應該罰佢哋。
以後，邊個丑樣，就罰佢爸爸媽媽唔准做戲！或者剩系做茄呢啡！
我唔系一個唔負責任嘅人，為佐我爸爸媽媽嗰短短一剎嘅快感，我已經負責負咗廿幾年。你估做我好易做啊？
我細個讀書唔好，或者唔合格，我冇要父母負責。我自己簽曬啲成績表嘅。
每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！
我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。
反而系我調番轉頭，提醒佢哋：你哋要搵錢啊，積谷防飢啊，唔系第日老來無依無靠啊！
乜嘢都系我！

2.男仔唔駛靚仔
靚仔系唔系真系甘重要呀?
有的人話男人唔駛靚仔既,有才華咪得羅.
系,你有冇試過帶你既才華去落disco識女仔呀?
人地的靚仔一行入去,唔洗二十分鍾,就已經同的女仔互相問問題:
[你度定我度?]
我帶住我既才華入到去,幾難先搵到個女仔肯比個機會我.
唔系比機會我交換問題,而系比機會我天才表演.
唱歌跳舞做話劇講大話功夫表演,成套歡樂今宵一個人做一次......

3.演戲天份
我從小就知道,我系一個偉大既演員.
人地細個成班細路群埋,鍾意玩扮結婚,扮爸爸媽媽.
我細個,就鍾意扮姦夫淫婦.
但系唔知系o米我個樣比較老實,我系從來都無機會扮姦夫.
每次我都系扮淫婦......既老公.
雖然系o甘,雖然,我亦都系全班人之中最細個個.
但系我已經可以將一個妒忌o既男人心態表現得淋漓盡至.
當然,我的朋友個個都贊我,話我天生出黎,就系戴綠帽既.

4.死亡
細個個陣,我系唔怕死既.
我覺得,系以前的人先會死既.
系歷史書裡面既人至會死.
好多人唔明歷史有咩用,歷史咪話你聽邊的人死左羅.
我從來未睇過一本歷史書有提到黃子華呢個名,我點會死呀.
最緊要系,就算死都唔系嘜野一回事.
細個個陣隔離陳師奶成日叫佢老公:[咁多人去死你仲唔去死?]
然後去完番黎,阿陳師奶又會話:[死番黎勒,唔死多陣添?]
所以我一路都認為,去死,即系去街,同埋一定唔會去好遠.
因為阿陳生每次都好快就返黎既.

5.改名
改名,只系的父母系將自己既主觀意願套系的仔女身上.
所以大部份女仔唔系叫美嘜就系麗嘜.
男仔唔系叫阿堅,就系阿強,一唔系就叫阿祥.
咁我地系米好美麗,好堅好強好長呢?

6.黑白不明
我非常欣賞鄧小平既「黑貓白貓,捉到老鼠就是好貓.-普通話」
我老友阿雄個老婆生仔,生佐個黑人出黎,我都系咁對佢講: 「黑仔,白仔,快高長大就系你個仔啦!」

7.失戀
失戀系會令人成長嘅。我失戀之前，一向都覺得世界上所有問題都有答案。
點解我哋每日都要8點鍾起身返工啊？因為夠鍾啰！
點解我哋有夠鍾呢樣嘢啊？因為我哋唔用浮動上班時間啰。
點解呢個世界有戰爭？因為我哋有武器羅。
咁點解我哋要有武器啊？因為佢哋有武器啰。
一切都有答案，直到我失戀。
阿珍，點解你唔愛我？阿珍畀咗一個經典嘅答覆我，佢話：「愛情系冇點解嘎，系唔可以解釋嘎，唔好問啦。」（記緊呢句啦）
如果番學阿sir問我嘢都可以咁答就好啦！「黃子華，物體燃燒點解需要氧氣啊？」
「阿sir，系冇點解嘎，系唔可以解釋嘎，唔好問我啦！」

8.女愛情觀
吳:女仔對愛同鍾意有很大既分別,如果個女仔知道個男仔鍾意佢呢,
她都會同佢去下街,睇下戲,食下飯,但想做進一步既野就唔得勒.
而女仔知道個男仔愛她時系絕對可以付出更多.
在女仔心目中,鍾意等於"幫襯",鋪鋪清唔好找我更多好處,
但愛在女仔心中等於"收購",
收購包括"注資",以後"合並"......(系呀...系呀!)

而我嗰陣，就鍾意捻呢個相思同畫眉多啲。
同楊過一樣，我從來冇諗過要考第一。
我只需要愛情，只要搵到我嘅小龍女，我就可以拋棄學業，退隱山林，搬入新界住。
但系我一定要住西班牙別墅，我唔住得村屋，我怕蛇蟲鼠蟻。
然後每個月至多出一次市區，不過我唔會逗留得耐，問亞媽攞完零用錢我就會入番入去。
冇錯，基本上，我由中一至中五都系喺呢種咁超然嘅思想下度過。
嗰陣時學校最流行嘅辯論題目系：「中學生應否談戀愛？」
我認為，我哋應該辯論嘅系「中學生應否讀書？」
而喺我第一次戀愛之前，我嘅小龍女只需要一個條件，就系靚，我知我咁樣諗好膚淺，但系嗰陣時我仲細，唔知道原來身材都好重要嘎。

17.性
聖人話:「食色性也！」食同色，好唔同！
一個人無論幾鍾意食，會唔會比幾十蚊入戲院睇套「蒸氣騰騰小龍包」？
一個人無論幾鍾意食，又會唔會為咗望一舊冇包住嘅牛肉望到畀車撞？

18.愛情
戀愛唔系PART-TIME，你唔可以話：「愛！做完咪走啰！」
戀愛系一盤生意，你要二十四小時諗住佢。
自己生意，冇所謂PART-TIME正識。
人哋放假或者過年過節，你更加要開OT添。行花市啦行海邊啦睇戲食飯啦……
你有乜嘢競爭對手呢？我冇競爭對手？！你估你系專利巴士公司啊？港巴都執咗啦！有冇考慮結婚？咁就要向公眾交代，咁就即繫上市啦！
所以，「中學生應否談戀愛」唔系問題，問題系「人類應否有兩份全職工作？」
你再拍拖，需要知會你老闆：「老細，我出面搵咗份戀愛，我真系好需要呢份戀愛，不過公司啲嘢我會照做，我兼顧到嘎。」
然後你老闆會話：「咁你不如搵多份戀愛，咪直情唔使番呢份工啰！」

19.新鮮
依家啲人溝女，對絛女最大嘅要求系乜啊？唔系靚，最緊要，系夠新鮮！
乜嘢叫做夠新鮮啊？就系話，溝咗一年嗰個，就唔夠溝咗半年嗰個咁正。
因為半年嗰個新相識，新鮮啲。
同樣，溝咗半年嗰個，就唔夠三個月咁正。
溝咗一個月就唔夠半個月嗰個咁正。
溝咗一日就唔夠半日嗰個正，如此類推，終於……溝咗嗰件，就唔夠未溝嗰件咁正！
咁即系點呢？仲溝唔溝好呢？一溝就唔正？！

20.女人偉大
黃：系愛情之中，女人最偉大！
男人嘅犧牲，就為咗追求美麗；而女人嘅犧牲，就只系得到一個麻甩佬！而最偉大嘅系佢哋根本唔覺得系犧牲。如果你話畀一個女人聽，喂，你男朋友有口臭！
張：車，人梗有局部缺點嘅！
黃：佢仲有臭狐同香港腳喎！
張：咁佢咪好平均咯！
黃：佢啲鼻鼾聲唔使攪咪啊！
張：我男朋友一定系夢見我，我開心。
黃：佢屙尿亂咁啡！
張：好壯啊！
黃：佢啡完唔洗手！
張：邊有男人洗手嘎！
黃：我有！
張：乸型！
黃：佢仲講粗口啊！
張：但系佢心地好！
黃：佢系電梯度食煙喎！
張：公眾場合都唔畀食咯，佢咪呢埋一邊食啰，你哋仲想點啊！你系咪想逼死佢？！系咪想逼死佢？！嗚～～～

21.賭馬
喂，賭馬系需要付出好多嘎。
朝早要睇晨操夜晚要睇董驃，又要同朋友交換讀書報告。
你估我哋睇得書少？市面幾多馬經啊？
仲唔系話你睇得多就得嘎喎！
香港啲馬經，一埸十隻馬，十隻馬都有人貼，你自己思想唔夠獨立，咁你就死梗啦：唔該，呢場每隻幫我落100蚊啊！希望中啦！
夏天嚟啦，抖暑啦，你估系畀啲馬休息咩？系畀我哋休息啊！

22.泳池
黃：去公眾泳池嗰啲唔系叫做游水，嗰啲叫做浸水。因為喺公眾泳池游，只可以用一種泳式，就系彈式，同一個位，彈下彈下。
張：如果系高手可以用式，但系要潛落水底嗰度用。
黃：點解香港啲泳池咁鬼逼嘅呢？
張：唔好問啊，趁人多你好快啲浸下。等陣所有人上曬水嗰陣，你就會發覺，個池啲水原來到膝頭哥嘎咋！你去浸腳指啦，下次。
黃：其實我哋香港人都習慣咗人多，去浸下水都好。但系可惜嘅系，呢啲水，唔系一般水，呢啲系暖水！你成日喺泳池度，你會發覺有啲人，全身唔喐，眼碌碌。

張：哦！你喺泳池屙尿，咁冇公德心！由細到大我老豆都教我嘎啦，急尿，去隔離池啊嘛！
黃：所以我喺度，趁呢個機會，同你啲儬仔講啊！游游下小童池就走過嚟大人池，擒喺個池邊，唔好話我聽系學游水啊！
張：特別系擒正喺噴水口嗰啲啊！想毀屍滅跡啊！

23.鬧人
以前我哋笑人，會話：「你有得發達？太陽由西邊出嚟啊！」
依家我哋就會話：「你有得發達？建築面積等於實用面積啊！」
又或者話人丑，現在我哋都會技巧好多：「你唔丑，你點算丑啊，你系塊面唔多實用咁解嘛。你嘅鼻台太大，啲眼耳口鼻咪唔見使啰。」

24.隆胸
葉子微簡直為演藝界創下新標准。
以後啲女仔想做明星，又唔使睇樣，又唔使睇演技，去磅啦！！！（加強語氣）得，入去磅一磅就得啦。
「開黎，六斤半，片酬系六千五蚊一日，小姐做唔做？」「開黎，八斤有疤痕，八千減一千疤痕費，即系7千蚊一日。」
你話幾客觀呢！

25.放假
黃：一般人都會好珍惜每年一度嘅年假！
張：今年我要去夏威夷游下水。
黃：如果你決定去夏威夷，你就要預咗付出沉重代價！前四後六！
張：我講緊系年假，唔系產假啊，子華！（真系啊……）
黃：前四後六嘅意思系，喺你放假之前嗰四個禮拜，同你放假之後六個禮拜，都要做到仆街！（死未）因為無論你放幾耐假，你嘅嘢始終系你做番。
張：系你嘅始終系你嘅！
黃：唔單止，放完假，唔系你嘅都會變成系你嘅！

26.金撈
點解要帶金撈？
唔帶撈，有乜資格同人講，時間系寶貴？我嘅時間點值錢呀？（你話系唔系先）
嗱，支時針圍住行一個圈，12個鍾，十幾皮嘢，即系為皮幾嘢一個鍾。
你一個鍾值幾錢啊？
幾舊水？我點同你一齊食飯啊，大家時間觀念咁唔同！
唔單止咁，你帶撈，表示你個人有幽默感。
勞力士，有邊個靠勞力搵食嘅人帶得起勞力士啊？
越帶勞力士嘅人就越表示佢唔使用勞力！
呢啲，就叫做幽默感啦。

27.老豆
我一向以為老豆，系option嚟嘅，附加嘎咋。
無錯，大部份人系有老豆嘅，就正等於大部份嘅車系有收音機一樣。
但系嗰樣系option嚟咋嘛，唔系架架車都有。
所以我細個嗰陣好憎啲儬仔成日喺我面前話：「我老豆點點點……」
我覺得嗰啲人好曬命，就好似你有部車，不停咁同人講：「我部車開蓬嘎，大包圍嘎！」
你不如話：「你老豆開蓬嘎，用無鉛汽油嘎……」

28.兒童教育
我一向都認為，我哋成日呃啲細路仔，懶系nice咁對佢哋，講到呢個世界乜嘢都好好咁，咁系唔啱嘅。（何解？）
細個我同媽媽搭飛機，睇見廁所嘅水系藍色，我未見過，咪走去問媽媽嗰啲系乜？媽媽話：「系天空。」所以我就成為世界上第一個食過天空嘅人。
細個啲大人成日講童話講白雪公主。（你都聽過啦）佢哋講嘅就系白雪公主又靚又好人，好值得去追求。
但系冇講到我哋唔系白馬王子！邊個人至系白馬王子啊？起碼有隻白馬啦。咁就即系馬主啦，你話系唔系啊？
講啲唔講啲好危險嘎。即系等如你同個細路仔講：「小明啊，飛出窗口好過癮嘅，成個香港望曬嘎，浮下浮下……」但系唔同佢講：「不過你落到地下個陣，會快過搭電梯好多！」

29.用家炒家
好多人結婚，最初就以為自己系婚姻嘅用家。
後來先發覺自己系感情嘅炒家，於是想離婚。
但系離婚又要攪幾年，睇住周街都系新盤靚盤，自己個盤又放唔出，幾難受！

30．豬扒
如果你系一件豬扒，咁你基本上系唔使減肥啰～
一件豬扒，減咗肥，就系一件瘦扒，一件瘦扒就系比豬扒更唔開胃嘅扒，系咪？
你買叉都唔要嗰啲啦。

31、失業
你都唔知點同你阿媽解釋
以前失業系因為你比老闆炒，而家失業是因為你老闆比人炒。

32、智慧
我個人認為我本人是智慧型的。
你不信啊？咁我就說D你仲意的。

34、生命
生命是什麼？我認為生命是一個吃自助餐的過程，好多的菜，好多的選擇，自殺的人是一個吃屎的過程。

35、偉大發現
我一向覺得,人類既歷史上最偉大既三大發現分別系:
第一,牛頓發現地心吸力.
第二,愛恩思坦發現相對論.
第三,就系唔知邊本雜志發現自慰對人體無害.

36、三個字
我當時問我媽媽:中國要收返香港喇,系咪真嘎?
我媽媽講佐三個字,呢三個字我呢世人都記得,系我呢世人聽過最瀟灑既三個字.
"媽媽,大陸要收返香港喇,系咪嘎?"
我媽媽話:"系咩?......碰!"

37、鬼佬—1
鬼佬又唔會一邊睇戲一邊講野!
你睇嚇D香港人去睇戲,銀幕上D人講幾多,銀幕下就講幾多.
你唔知仲以為距地系度配緊音. 重要系講D最隱秘既家事,你大佬點樣謀你, 你奶奶最錫阿二嫂...
我點能夠同時處理甘多劇情o者?
鬼佬就唔同,鬼佬唔講野既,就算講,人地系用英文講!
英文系偉大嘎嘛!英文系偉大到,基本上,你識得英文,就代表你有知識.
你見好多阿媽都系甘噶:阿仔,你識英文,你幫我睇嚇個會計呢條數點計出來既?阿仔,你識英文,聽嚇個摩羅差講緊乜啊?唉,算喇,你剩系識英文,甘幫我整返部洗衣機啦!

38、鬼佬—2
D鬼佬地方真系好,系距地住個區,你唔駛驚行行下會有人盤你: 你邊度嘎?你第幾座啊?
至多咪同你講聲:一兜白能希里（you don"t belong here!)
D鬼佬又靚,個個都白白凈凈,烏糟個個都白既!個個D鼻又高,鬼甘好鼻運.
而最緊要,D鬼佬有公德心,鬼佬唔會亂拋垃圾既!就算有人真系有扔過垃圾,個D垃圾系來路貨,點算系垃圾?
鬼佬又唔會當街打仔!我系我住個頭,都唔知見幾多細路,臨番屋企門口都要提一提距阿媽:「阿媽,今日系條街度你未打過我喔!」
「啊,系咩?出番來,死仔,你仲喊嚇嘛?」
「阿媽,我無喊喔!」
「唔喊系嘛?硬頸系嘛?」

39、戀愛是打拳
如果戀愛是打拳,我由10歲果年開始.
每年平均打一場,打到現今,咩野型量級、羽量級、重量級、沉量級.可以打既我都打曬~~~
我既戰績是9場全敗、2場被擊倒、1場輸點數、1場被取消資格.
我唔可以天長地久,如果曾經擁有一次等於有一隻表.我D表帶到上格LUCK底啦.

40、詛咒
我系唔相信詛咒可以殺死人，除非你面對面同佢講三日三夜「你仲唔死……你仲唔死……你仲唔死……」

41、讀書
我讀咁多年書，從來冇一個老師話過俾我聽，讀書系為乜。
但系我自己識諗，我終於想通：讀書系為咗升班。
但系後來有個阿SIR同我哋班同學講咗句嘢，又令我再諗過。
有一日，佢同我地講：「你地成班都唔掂，不如你地成班申請留班讀好啲書啦！」
我讀書系為咗升班，依家留班系為左讀好D書....？

43、銀行存款
一個銀行存款得4位數字嘅人同一個患咗絕症嘅人系冇分別。
大家都系得幾個月命！
我覺得呢啲人可以去申請入院，姑娘問：乜病呀你？
姑娘，我死啦，我諗我有咗四位數字！
啲人話，吸煙危害健康，梗系啦，一包煙幾廿皮，食十包，冇左幾舊水，唔短幾日命？
根本乜嘢都危害健康。睇戲又危害健康，KARAOKE又危害健康......
Shopping？唔好啦，上年shop過一次，差啲過唔到年丫！

44、性教育
有關性教育，父母唔識教，示範識唔識？
佢哋識，但系冇機會示範，因為每晚一到示範時間，阿爸就會話：「九點啦子華，仲唔去瞓？」
九點就叫我去瞓？你估我系農夫呀？
可能佢哋其實唔介意示範，不過唔知道我有咁嘅需要？唔知？！
我日日睇姊妹雜志，真系為咗睇時裝呀？
唔知？！根本大家心知肚明，不過詐作不知。
既然大家都咁虛偽，咁以後咪當屋企系社交圈子，大家客客氣氣咪算羅。
－－爸爸，家母問你今晚番唔番嚟食餐便飯喎？
－－阿媽，你先生話家常便飯唔好打攪你喎。
－－阿細妹，令尊叫你落街買份報紙，點解唔叫我？ 我系令兄，信唔信令兄摑令壽堂個千金呀？

45、世界和平
呢個世界，乜嘢國家地域主權，其實同去廁所冇分別。
甲：喂，邊個喺裡面呀，出嚟啦。
乙：我嚟先架！
甲：喂，俾我入嚟丫，一齊丫。
乙：黐線！用廁所都有得一齊？

冇錯，如果人類可以習慣一齊用一個廁所，呢個世界就唔會打仗。
啊~~ 你要入嚟呀？等等，我坐過啲，你坐前面，痾唔痾到？

46、趕絕
細路仔都有性需要，但系唔會講出嚟。
因為佢知道，性呢樣嘢，唔可以講！
因為佢知道，如果佢俾人叫做反斗星，頑皮仔，馬騮仔，其實系變相咁俾人贊緊佢聰明仱俐。
但系如果你叫佢做咸濕仔，你就即系趕絕佢。
唔信可以番公司試下：「林小姐，我介紹位新同事你識呀，呢位咸濕仔。」

47、打交
「由細到大我都真是好少同人打交……
因為我認為，你一睇果個人，你一睇距個樣啊，就好打過你既，感你無為同距打丫；
而，一睇距個樣都吾夠你打既，距都仲要同你打……甘距肯定系有秘密武器啦！……」

48、冧吧降
咩叫冧吧降啊？
遮系，有一日，有人比個冧吧你。
你對呢個冧吧除左知道佢系一個冧吧之外，你一無所知。
但系你成副身家掉左落去，個過程好奇妙
「喂，啊子華，俾只堅料你，731。」
「嚇，呢個冧吧未聽過喔！」
「梗系啦，內幕野來嘎嘛，我上面有人。」
「邊，，邊，，邊度上面啊？」
「中南海，我識得中國第十六把手。」
「邊個啊？」
「豬依～」
「甘我訓身了!」
「放心啦，有咩打來麥當勞搵我啊，我依家翻夜班啊！」

49、負家產
嗱~~ 大家搞清楚，躉樓系人哋嘅，系叫負資產，好斯文架！
蠆樓系自己嘅，就叫負家產！
「你躉負資產點呀？」
「冇提啦！負家產！」
問題系，各位，而家由98年開始，我哋同呢個負家產系咁生活，相處咗5、6年喇，你等佢開始真系對佢懷住一種感情喺度，佢真系成為咗你嘅家喎，咁各位，你而家就明白乜嘢叫做真正嘅「駝衰家」喇。
我哋負家產嘅家就系全世界最眼冤嘅「駝衰家」！
你而家先至明白，原來所謂咩「破碎家庭」系幾咁幸福呀。一個「破碎家庭」通常講緊一個爛賭嘅老竇，一個吸毒嘅細佬咋嘛，一兩個駝衰家。
我哋啲負家產，一家都系駝衰家。個廚房又駝衰家，個廁所又駝衰家，我覺得最駝衰家系嗰幾個奀挑鬼命嘅窗檯！所以系呀，
我系瞌薄嗰幾個窗檯，我唔買窗簾軻，曬佢啦！駝衰家！
我打麻雀，打輸麻雀番嚟咪DUP個地下羅，駝衰家！樓下叫我唔好DUP，我同佢講，我啲家事關你鬼事呀！
系丫，我而家系捏個牆角，你睇住我捏佢吖，你報警呀！

50、結構性轉型
有一日，你男友同你講，「分手啦！」
你會話：「今次又咩事呀？」
《你男朋友就會更正你喇，有啲唔同，今次.. 上一次..下一次.. 嗰啲一般嘅離離合合，即系每三日講一次嗰啲，，嗰啲系叫做「周期性分手」。我哋今次系「結構性分手」，由於今次嘅分手系結構性嘅，我願意一次過俾多啲掟煲費俾你。
如果你肯與呢個自願性分手計劃，我可以再加多3個percent。OK.... 唔同呀！呢次冇得傾，冇得再喺埋一齊架啦，除非.... 你能夠作出結構性轉型....隆胸。隆胸點講都算系一種結構性轉型呀！》
當一個社會出現一樣嘢叫「結構性失業」，即系話俾你聽，呢個社會嘅本質基本上系：寡情薄倖，趙完松！
而家系好嚴重，有啲人長期失業到呢個地步，好耐搵 到工，佢就考慮自殺，冇曬信心做人。我認為呢啲朋友，如果你真系諗到要行呢一步，你真系要問下自己，你願唔願作出結構性轉型先？
囡仕，我講咗喇，你要隆胸，我唔系講笑，你隆胸，真系幫到你搵工。我唔請人，但如果你話你隆咗胸，我都想見下你。再填履歴，三隻字：「隆了胸」。我包你有面試。
（經理：）「隆了胸？叫佢入嚟.......」
「小姐，你又話隆了胸？好似唔系好覺嘅點解？.....」
（小姐：）「哦~~ 唔系，經理，我哋哈佛畢業嘅，系唔可以太誇張嘅。」

男仕們，你結構邊部份要轉型呀？
冇錯！你何B！
做藝人做到何守信算系咁啦，我哋最緊張嗰部份改咗你個名呀，幾鬼尊敬你。我都期望第日，過幾年啲阿爸教仔踢波：「人哋射死球，最緊要扲住阿子華呀！」.... 「你咪俾人拉西拉親阿子華呀！」嘩~~~ 咁就驕傲呀！但今時今日，仲系何B叻啲。

8. My盛lady里黃子華右手無名指戴的戒指哪裡有買

某寶不久之後應該會有仿品吧,可以搜搜看

9. 請問在哪能買到黃子華《棟篤笑》正版DVD光碟

TB上就有賣，如果不太放心，可以到香港的ebay上去買，不過在那搜索黃子華的時候，輸入的時候要輸入繁體字，不然是查不到的（一般的輸入法都可以設置成繁體輸出）

10. 黃子華棟篤笑哪裡可以購買高清的例如DVD之類的…

香港的碟鋪有，一般他會在開show的時候賣的，他開這個show會賣上個show的DVD的